Par...
Isbaar dil ko aadat nahi lagne di hai teri.
Jo wakt kabhi gujarta tha tere khwab sajane me,
Ab usmese kuch hissa apne liye bhi chunne lagi hu,
Teri yaadon ki giraft me jo tha kabhi dil,
Un yaadon ki jagah ab khudke liye sapne bunne lagi hu,
Haa...Intezaar aaj bhi rehta hai un khwabo ke sach hone ka,
Par...
Isbaar dil ko aadat nahi lagne di hai teri.
Ajnabiyat jo mit gai thi kabhi dosti ke pehlu me,
Aaj phir purane zakhmo si ubharne lagi hai,
Text pe har wakt ki update dene waali ungliya
Aaj ek chotisi "Hi" par zhizhakne lagi hai,
Haa...Intezaar aaj bhi rehta hai tere message ke reply ka,
Par...
Isbaar dil ko aadat nahi lagne di hai teri.
Khayalo me ab teri jagah kuch kam si ho gai hai,
Sawalo me jawabo ki jarurat ab kam si ho gai hai,
Tere sath ki umeed nahi karta ab ye dil,
Lagta hai khudse jara si yaari mahram si ho gai hai,
Haa...Intezaar aaj bhi hai tere jawabo ka,
Par...
Isbaar dil ko aadat nahi lagne di hai teri.
its not heart touching infact directly touched the soul💯❤
ReplyDeleteThanks 😊🍁🍁
DeleteAmazingly penned!❤️
ReplyDeleteThanks buddy 🍁🍁
DeleteVo dil he kya jisne yaado ko barkaraar na rakha...Vo mohabbat he kya jisme shikhast(haar) ho...Pyaar ke do pehlu hai agar dimag se socho to yaado ka silsila vahi khatma hojata hai par dil se socho toh yakinun vo saari yaadey barkarar rahegi...
ReplyDeleteHar kaam ki ijazat pehle dil se mila karti hai phir vahi kaam ko aagey badhane me akla ka sahara liya jaata hai...
Note: Well, there is a fragrance of love in every line's...
Yakeenan sach kaha!! Thanks 😊🍁
Delete